Özgertmelere beslenýän bilim ulgamy
Berkarar döwletiň täze eýýamynyň Galkynyşy döwründe Hormatly Prezidentimiz Serdar Berdimuhamedowyň tagallasy bilen, milli ylym-bilim ulgamynda ajaýyp özgertmeler durmuşa geçirilýär. Ýurdumyzda täze okuw mekdepleri gurlup ulanylmaga berilýär. Öňden bar bolanlarynyň durky düýpli täzelenilip, zamanabap tehnologiýalar bilen üpjün edilýär. Okuw meýilnamalary, okuw maksatnamalary döwrüň talaplaryna laýyklykda gaýtadan işlenilip, kämilleşdirilýär. Ýurdumyzda ykdysadyýeti diwersifikasiýa ýoly bilen ösdürmäge tarap giň gerimli mümkinçilikler açyldy. Ýurduň tebigy serişdeler baýlygyny ýerlikli ulanyp, gaýtadan işleýän kuwwatly senagatyň döredilmegi öz nobatynda täze iş ugurlary boýunça zamanabap bilimli, hünärli ýaş hünärmenleri talap etdi. Şeýlelikde, daşary ýurtlaryň abraýly okuw mekdepleri bilen birlikde, öz ýurdumyzda bu täze hünär ugurlary boýunça bilim berýän ýokary okuw mekdepleri döredildi. Bu ýokary okuw mekdepleri häzirki zaman ylmynyň we tehnologiýasynyň iň çylşyrymly we täze durmuşa ornaşýan ugurlaryny öwredýän hünär bilimlerini göz öňünde tutup, häzirki zaman dünýäsiniň iň ösen tejribeleriniň öwrenilýändigini görkezýär. Senagatyň industrilizasiýadan awtomatika, awtomatikdan sanly ulgama ösüp geçmegi bilim berlişiniň hiliniň ugurdaş ösdürilmegini talap edýär. Soňky ýyllaryň dowamynda ýurdumyzda bilimi sanlylaşdyrmak boýunça göze görnerlikli işler amal edildi. Bilim bermek we bilim öwrenmek işinde sanly ulgamdan peýdalanmak barha giňden ornaşýar. Sanly bilim ulgamy bilim bermegiň usullaryny kämilleşdirmäge, bilim derejesini, ýetişikleri gözegçilikde saklamaga mümkinçilik berýän ulgamdyr. Munda bilim maglumatlaryny ygtybarly saklamaga, goraglylygyny üpjün etmäge giň mümkinçilikler bardyr.
Arkadagly Gahryman Serdarymyzyň milli bilim ulgamyny kämilleşdirmek bilen bagly kabul edýän resminamalary düýpli bilim özgertmelerini durmuşa geçirmäge, ýurdumyzy ykdysady, syýasy we medeni taýdan ösdürjek, giň gözýetimli, döwrümiziň ösen talaplaryna laýyk ýokary derejede pikirlenýän, ökde hünärmenleri taýýarlamaga gönükdirilendir. Biz ýurdumyzda ylym-bilime giň ýol açýanArkadagly Gahryman Serdarymyza, uzak ýaş, jan saglyk arzuw edýäris.
Yslamberdi TYLLANUROW
Türkmen döwlet binägärlik gurluşyk institutynyň uly mugallymy
