Bilim ulgamynda innowasiýalar

Bilim ulgamyna innowasiýalary we täze tehnologiýalary ornaşdyrmakda, dünýä tejri­besine we ylmyň täze gazananlaryna esasla­nyp, «Türkmenistanda daşary ýurt dillerini okatmagy kämilleşdirmegiň Konsepsiýasyny» iş ýüzüne geçirmekde uly işler alnyp baryl­ýar. Bilim we terbiýe işiniň netijeliligini, esa­san, dil öwrenmek arkaly gazanmak hem­de ýaşlaryň aňyna täsir etmek mugallymçylyk işinde iň ygtybarly usullara degişlidir. Şu jähetden dilçi mugallymlaryň öňünde ýaşlara daşary ýurt dillerini öwretmekde jogapkärli wezipeler durýar.«Türkmenistanda daşary ýurt dillerini okatmagy kämilleşdirmegiň Konsepsiýasyny» ýerine ýetirmegiň meýilnamasyny durmuşa geçirmek boýunça ýokary we orta hünär okuw mekdeplerinde, umumy bilim edarala­rynda daşary ýurt dillerini öwretmegiň öňde durýan wezipelerine bagyşlanan ylmy­ amaly, okuw-usuly maslahatlary yzygiderli geçiril­ýär. Geçirilýän maslahatlarda ýaşlara rus, iňlis dillerinde suwara geplemegi we sowatly ýazmagy öwretmek boýunça teklipler ara al­nyp maslahatlaşylýar. Şeýle işleriň üstünlikli çözülmeginde täze işlenilip taýýarlanylýan elektron kitaplaryň ilkinji nusgalary ýerlikli peýdalanylýar. Mugallymlar dersleriň ählisi boýunça okuw maksatnamalaryny, okuw gollanmala­ryny taýýarlamaga işjeň gatnaşýarlar. Okuw otaglaryna  interaktiw usullar we multimedia tehnologiýalary giňden ornaşdyrylýar. Bu bolsa ýurdumyzda ylym­-bilim özgertmele­rini durmuşa geçirmekde ýerine ýetirilýän işleriň alnyp barlyşynyň hiliniň we berýän netijesiniň ýokarlanmagyna ýardam edýär. Bilim ulgamyndaky özgertmeleri has­da işjeňleşdirmek we işleri utgaşdyrmak üçin uly işler alnyp barylýar. Ýaşlaryň dil bilmeklerini, hemmetaraplaýyn ösüşini üpjün etmek, okatmagyň usulyýetini häzirki zaman talaplaryna laýyk getirmek üçin zerur şertler döredilýär.

Baýram KERİMOW
Türkmen döwlet binagärlik gurluşyk institutynyň uly mugallymy