Sanly bilim ösüşiň ýoly
Berkarar döwletiň täze eýýamynyň Galkynyşy döwründe jemgyýetiň ähli ugurlary sanly ulgamyň giň mümkinçilikleri bilen üpjün edilýär. Gahryman Arkadagymyzyň we Arkadagly Serdarymyzyň baştutanlygynda sanly ulgamyň iň ýokary gazananlarynyň elýeterliliginiň üpjün edilmegi ýurdumyzda sanly ulgamy ösdürmegiň maddy-tehniki binýadynyň pugtalandyrylmagynyň netijesinde amala aşyrylýar. Ilkinji nobatda, ýaş talyplara döwrebap bilim bermekde sanly tehnologiýalaryň möhüm orny eýeleýändigini bellemelidiris. Biziň bilim berýän ýokary okuw mekdebimizde hem geçilýän sapaklaryň netijeliligini ýokarlandyrmak maksady bilen talyplar we mugallymlar üçin ýörite bilim portaly döredildi, elektron kitaphananyň işi ýola goýuldy. Şeýlede dersler boýunça wideo we audio materiallar bilen üpjün edildi. Elektron materiallary bilim portaly arkaly ýurdumyzyň beýleki ýokary okuw mekdeplerine ýaýratmaga mümkinçilik döredildi. Institutymyzda professor mugallymlaryň we talyplaryň gatnaşmagynda daşary ýurtlaryň hemde ýurdumyzyň abraýly ýokary okuw mekdepleri bilen teleköprüler yzygiderli ýagdaýda guralýar. Häzirki wagtda sanly tehnologiýalaryň ylym-bilim ulgamyna ornaşdyrylmagy talyp ýaşlaryň dünýä ülňülerine laýyk bilim almagy babatda amala aşyrylýan işleriň dowamlydygyny aýan edýär. Talyp ýaşlaryň döwrebap bilim almagy, işlemegi we döretmegi babatda ähli mümkinçilikleri döredip berýän Gahryman Arkadagymyzyň we Arkadagly Serdarymyzyň janlary sag, ömürleri uzak bolsun! Döwletli işleri hemişe rowaçlyklara beslensin!
Leýla ÝUSUPOWA
Türkmen döwlet binagärlik gurluşyk institutynyň mugallymy
