Bilimleriň we ylymlaryň ösýän mekany

Aşgabat diňe bir binagärlik, ýaşaýyş- durmuş taýdan dünýäniň meşhur şäherine öwrülmän, eýsem, bilimleriň, ylymlaryň hem pajarlap ösýän mekanyna öwrüldi. Häzirki wagtda paýtagtymyzda ýokary okuw mekdepleriniň ençemesi hereket edýär. Ýurdumyzyň ýokary okuw mekdepleri milli ykdysadyýetimiziň ähli ulgamlary üçin ýokary hünärli işgärleri taýýarlamak ýaly wajyp wezipäni üstünlikli ýerine ýetirýärler. Häzirki wagtda rowaçlyklara beslenýän berkarar Diýarymyzyň her bir bilim ojagy doly kompýuterleşdirilýär, interaktiw-multimedia enjamlary bilen üpjün edilýär. Döwrüň ösen tehniki serişdeleriniň bilim ojaklaryna giňden ornaşdyrylmagy talyp ýaşlaryň bilimleri halkara derejeli çuň özleşdirmekleri üçin giň mümkinçilikleri döredýär. Garaşsyz, hemişelik Bitarap Watanymyzda durmuşa ornaşdyrylýan bu möhüm işler halkymyzyň, aýratyn-da, ýaşlarymyzyň kalbynda Arkadagly Serdarymyza bolan çäksiz buýsanç hem-de hoşallyk duýgularyny döredýär, bagtyýar durmuşymyzyň eşretlerine buýsanyp ýaşamaga, döretmäge, gurmaga egsilmez güýç kuwwat berýär. Goý, eziz Diýarymyzy bilimleriň we ylymlaryň ösýän mekanyna öwürýän hormatly Prezidentimiziň jany sag, ömri uzak bolsun!

Myratdurdy PİRMUHAMMEDOW
Türkmen döwlet binagärlik gurluşyk institutynyň talyby