Döwrebap bilim-kämil ýaşlar

Ylmyň we tehnologiýalaryň ösen häzirki döwründe in­ternet torlarynda okyjylar we belli­belli ugurlar boýunça bilim alýanlar üçin elektron kitaphanalaryň sany hem gitdi­giçe artýar. Munuň özi okyjylara we talyp ýaşlara ençeme ýeňillikleri döredýär. Sebäbi internet ulgamynyň üsti bilen gerekli maglumatlarydyr ylmy kitaplary tiz tapmaga, oka­maga täze mümkinçilikler döreýär. Şu nukdaýnazardan, ýurdumyzda sanly ulgamy, aýratyn­da, sanly bilimi kämilleşdirmäge döwlet derejesinde uly üns berilýär. Bu ugurda sanly bilim ulgamynyň çäginde bilim ojaklarynyň arasynda özara baglanyşygy ýokarlandyrmak, mekdebe çenli bilim edaralarynyň, orta we ýokary okuw mekdepleriniň maddy­ enjamlaýyn binýadyny kämilleşdirmek boýunça möhüm ähmiýetli işler durmuşa geçirilýär. Okuwçy we talyp ýaş­lar sanly ulgamyň mümkinçiliklerinden ýerlikli peýdalanyp, daşary ýurt dillerini öwrenýärler, beýleki ugurlar boýunça bilimlerini ösdürýärler. Şeýle­de internet ulgamy ýaş nes­le dürli ýerlerdäki deň­duşlary bilen pikirlerini we bilimle­rini paýlaşmaga şert döredýär. Olar sanly ulgam arkaly geçirilýän dürli açyk sapaklara gatnaşmak arkaly bilimdir düşünjelerini çuňlaşdyrýarlar. Ýurdumyzy ösdürmek babatda alnyp barylýan döwlet sy­ýasatynyň esasy ugry bolan sanly özgertmeleriň çäklerinde biz — mugallymlar talyplara döwrebap bilim bermek ugrunda ýadawsyz zähmet çekmäge borçlanýarys. Talyplarymyzyň bilimlerini artdyrmak we gözýetimlerini giňeltmek maksady bilen, ýurdumyzyň beýleki ýokary okuw mekdepleriniň ussat professor-­mugallymlarynyň gatnaşmagynda sanly ulgam ar­kaly okuw sapaklaryny yzygiderli geçirýäris. Şeýle­de talyp ýaşlara saýlan hünärleri bilen baglylykda iňlis, ýapon, rus dil­leri hem dünýä ülňülerine laýyklykda öwredilýär. Mahlasy, sanly ulgamyň mümkinçiliklerinden peýdalanylyp döwrebap bilim berilmegi talyp ýaşlaryň öz işine ussat, kämil hünärmen­ler bolup ýetişmeklerinde uly ähmiýete eýedir.

Kerim ANNAMUHAMMEDOW
Ýagşygeldi Kakaýew adyndaky Halkara nebit we gaz uniwersitetiniň mugallymy