Täze tehnologiýalar durmuşymyzda

«Halkyň Arkadagly zamanasy» diýlip atlandyrylan 2022­-nji ýylyň dowamynda senagat we önümçilik maksatly desgalar bilen bir hatarda, ýurdumyzyň durmuş­ ykdysady ösüşiniň aýdyň nyşany bolup durýan täze, döwrebap ýaşaýyş toplumla­ry açylyp ulanmaga berilýär. Akylly şäher konsepsiýasynda tekerli ýa­da relsli ýolagçy ulaglaryna ýolagçy­laryň ygtybarly münüp düşmekleri we garaşmaklary  üçin enjamlaşdyrylan in­teraktiw duralgalara «Akylly duralgalar» diýilýär. Interaktiw duralgalar intellek­tual maglumat ulgamlaryny ulanmak arkaly jemgyýetçilik ulaglarynyň ugur­ulary, gatnaw wagtlary, töleg mukdary ýaly maglumatlary sanly enjamlaryň üsti bilen göni ýagdaýda üpjün etmäge niýetlenendir.Gözi gowy görmeýän ýa­da gowy eşitmeýän adamlar üçin aw­tobus belgisini sesli duýdurýan ulgamlar işe girizilýär. Gözel paýtagtymyz Aşgabat şäherin­de täze gurulýan duralgalar diňe bir san­ly çözgütleri önümçilige ornaşdyrmaga şertleri döretmek bilen çäklenmän, eý­sem, binagärlik aýratynlyklary bilen hem tapawutlanýar. Bu aýratynlyk baý mil­li medeni mirasymyzy paýtagtymyzyň myhmanlaryna, galybersede, dünýä ta­natmaga şert döredýär. Elbetde, munuň özi diňe bir durmuş­-ykdysady görkezijile­ri aňlatman, eýsem, medeni ösüşleri hem äşgär edýär. Ýurdumyzyň ähli ilatynyň mynasyp durmuş şertlerinde ýaşamaklary ugrun­da taýsyz tagallalary edýän hormatly Prezidentimiziň janynyň sag, ömrüniň uzak bolmagyny, mertebesiniň belent, il­ ýurt bähbitli tutumlarynyň rowaçlyklara beslenmegini arzuw edýäris!

Azat HANOW
Türkmen döwlet binagärlik gurluşyk institutynyň talyby