Ylym-bil­im­—­ iň gymmatly hazyna

Biz ýaş nesillerde ruhy ­ahlak gymmatlyklarymyza bolan söýgini kemala getirmek, watançylyk, ynsanperwerlik we zähmetsöýerlik ruhunda terbiýelemek ba­batda ähmiýetli işler durmuşa geçirilýär. Gahryman Arkadagymyzyň «Ömrümiň manysy» atly kitabynda belleýşi ýaly, bi­ziň döwrümiz ylmyň hem bilimiň döw­ri. Bu gün uly kärhanalardan, zawoddyr fabriklerden başlap, ekerançylyga, maldar­çylyga çenli — bularyň ählisine häzirki döwrüň ylym­ bilimi aralaşýar, zamananyň dürli tehnologik oýlap tapyşlary, enjamla­ry we tehnikalary, sanly ulgamyň müm­kinçilikleri giňden ornaşdyrylýar. Olaryň barha kämilleşýändigini hem göz öňünde tutsaň, olardan baş çykarmak, olary ne­tijeli, dogry we ýerlikli ulanmagy ba­şarmak üçin, özüni dyngysyz ösdürýän, dünýä dillerinden baş çykarýan ylymly­ bilimli nesilleriň halk üçin, ýurt üçin nä­hili zerurdygy düşnüklidir.
«Halkyň Arkadagly zamanasy» ýy­lymyzda biz barada edilýän çuňňur aladalary duýup, bilimlerimizi artdyryp dünýä derejesinde geçirilýän bäsleşiklerde abraýly orunlary eýeläp, ýurdumyzyň halkara abraýyny belende göterýäris. Milli bilim ulgamymyzyň halkara derejesinde kämilleşdirilme­gi üçin beýik işleri durmuşa geçirýän hormatly Prezidentimiziň jany sag, ömri uzak bolsun!

Guwanç BÄŞİMOW
Türkmen döwlet binagärlik gurluşyk institutynyň talyby