Sanly ykdysadyýet ösüş we döwrebaplyk

Ber­ka­rar ­döw­le­tiň­ tä­ze­ eý­ýa­my­nyň­ Galkynyşy­ döw­rün­de­ ata­ Wa­ta­ny­myz­ Türkme­nis­tan­ in­no­wa­sion ­tä­ze­lik­ler ­bilen deň ­ga­dam­ urup,­ iň­ öň­deba­ry­jy­ çöz­güt­le­ri­ ka­bul­ ed­ýär.­ Halk­ ho­ja­ly­gy­ny­ sanlylaşdyrmak­ ba­bat­da­ Gah­ry­man­  Ar­ka­da­gy­my­zyň­ ba­şy­ny­ baş­lan ­giň­ ge­rim­li­ öz­gert­me­ler ­sy­ýa­sa­ty­ bu­gün­  Ar­ka­dag­ly­ Ser­da­ry­my­zyň­ baş­tu­tan­ly­gynd­a­ üs­tün­lik­li­ dur­mu­şa­ ge­çi­ril­ýär. Häzirki wagtda «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna» we «Türkmenistanda sanly ykdysadyýeti ösdürmegiň 2021 — 2025-nji ýyllar üçin Döwlet maksatnamasyna» laýyklykda, sanly özgertmeler babatda Diýarymyzda netijeli işler alnyp barylýar. Şeýle özgertmeleriň durmuşymyzyň ähli ugurlaryny gurşap almagy bolsa, ykdysady işde we gündelik durmuşymyzda ýeňillikleriň döremegine mümkinçilik berýär. Häzirki zaman maglumatlar jemgyýetinde özboluşly amatlyklaryň üpjün edilmegi ýurduň ykdysadyýetiniň çeýeliginden habar berýändigini göz öňünde tutsak, Diýarymyzda bu ugurda ýetilen sepgitler örän guwandyryjydyr. Has takygy, bank, salgyt, söwda, aragatnaşyk ulgamlarynda ilata hödürlenýän iň öňdebaryjy hyzmatlar sanly ykdysadyýetiň ösüşiň we döwrebaplygyň baş şertidigini dolulygyna görkezýär. Ykdysadyýetiň pudaklarynda sanly ulgamyň ornaşdyrylmagy döwletimiziň innowasion ösüşe esaslanýan täze durmuş-ykdysady modeliň binýadyny goýýandygyny alamatlandyrýar. Öz gezeginde, tehnologik ösüş ýagty geljegi kepillendirýär. Ine, şeýle özgertmeler bolsa Arkadagly Serdarymyzyň parasatly baştutanlygynda üstünlikli amala aşyrylýan beýik işlerden gözbaş alýar.

Sylap AMANOW
Türkmen döwlet binagärlik gurluşyk institutynyň talyby