Buýsanç duýgulary goşalanýar

Hormatly Prezidentimiziň taýsyz tagallalary bilen Aş­gabat şäherini ösdürmek we abadanlaşdyrmak ugrunda durmuşa geçirilýän möhüm işler mähriban halkymyzyň asuda we bagtyýar dur­muşda ýaşamagyna, döre­dijilikli zähmet çekmegine, medeniýetli dynç almagyna gönükdirilendir. Arkadagly Serdarymyzyň oýlanyşyk­ly, parasatly baştutanly­gynda Berkarar döwletiň täze eýýamynyň Galkynyşy döwründe halkymyzyň ýaşa­ýyş­ durmuş şertleri, ýurdu­myzyň hem­de ak şäherimiz Aşgabadyň häzirki zaman ykdysady ösüşleri, türkme­niň ruhy we milli gymmat­lyklary halkara derejesin­de has­da dabaralanýar. Hormatly Prezidentimiziň taýsyz tagallalary bilen tu­tuş ýurdumyzda bolşy ýaly, gözel paýtagtymyzda hem uly özgertmeler durmuşa geçirilip, bagtyýar ýaşa­ýyş üçin ähli şertler dö­redilýär. Şirin owazly suw çüwdürimleri, nurana gijelerini gündizlik deýin ýagtylandyrýan yşyklandy­ryş ulgamy özüniň kämil­ligi, gözelligi bilen haýran galdyrýar. Dowam edýän ajaýyp güýz paslynyň te­bigy gözellikleri paýtagty­myzyň keşbine özboluşly öwüşgin çaýýar. Şeýle aja­ýyp gözellikler bagtyýar ra­ýatlarymyzyň ak şäherimize bolan buýsanç duýgularyny goşalandyrýar. Goý, şeýle ajaýyp zama­nada ýaşadýan Arkadagly Serdarymyzyň jany sag, ömri uzak, belent başy aman bolsun!

Söýenç AHMEDOW
Türkmen döwlet binagärlik gurluşyk institutynyň talyby
Türkmenistanyň Ýaşlar baýragynyň eýesi