Arkadag Serdarly ýaşlar ynamly öňe barýar

Berkarar döwletiň täze eýýamynyň Galkynyşy döwründe durmuşa geçirilýän beýik işler ýurdumyzyň ösüşini üpjün edýär. Äh­li ugur­la­r­da üs­tün­lik­le­re bes­le­nen 2022-nji ýyl ta­mam­lan­dy. Türkmen halky uly ösüşler bilen 2023-nji ýyla gadam basdy.  2023-nji ýylyň şygarynyň halkymyzyň teklibi esasynda “Arkadag Serdarly bagtyýar ýaşlar ýyly” diýlip  atlandyrylmagy kanunalaýyk ýagdaýdyr. Arkadag Serdarly bagtyýar ýaşlar ýyly ýaşlara bildirýän uly ynamyň döwridir. Ýaşlara buýsançly nazar bilen bakylmagynyň aňrysynda hem uly many bar. Ýurdumyz ähli ugurlary öz içine alýan döwrebap täzelenişleriň ruhy bilen täze ösüşlere eýe bolýar. Aýdyň geljegi nazarlap, bedew bady bilen öňe barýan asuda, abadan döwletimiziň, eşretli eýýamly, döwletli-döwranly halkymyzyň ykbalyny özgerdýän tä­ze röw­şen za­ma­na — Ber­ka­rar döw­le­tiň tä­ze eý­ýa­my­nyň Gal­ky­ny­şy döwri türkmen jemgyýetiniň durmuşyna täzeçe röwüş çaýýar. Arkadagly Serdarymyzyň parasatly baştutanlygynda başymyzyň täji, gözlerimiziň röwşeni ata Watanymyzda gazanylýan üstünlikleriň, eýelenýän sepgitleriň giň gerimlidigini bellemek uly buýsançdyr. Ynha, Arkadag şäheriniň iň döwrebap keşbi ösüşleriň has-da rowaçlanýandygyny aýdyň görkezýär. Bu ajaýyp şäher halkymyzyň bagtyýarlygynyň, eşretli durmuşynyň ýene bir ugrudyr. Hormatly Prezidentimiziň parasatly syýasaty netijesinde, ösüşleriň mekanyna öw­rü­len Türk­me­nis­tan ýur­du­myz­da ýa­şa­mak, gel­jek ne­sil­le­re gu­wan­mak,beýik işlere buýsanmak egsilmez bagtdyr. Agzybirlik, ruhubelentlik we ynam ähli ösüşlerimiziň we berkarar döwletimizde eýelenýän täze sepgitleriň gönezligidir. Bu gün şeýle ajaýyp durmuşyň goýnunda döwran sürýän merdana türkmen halky döredýär, gurýar. Şeýle beýik ösüşleri, ajaýyp durmuşy peşgeş edýän Gahryman Arkadagymyzyň, Arkadagly Serdarymyzyň janlary sag bolsun, il-ýurt bähbitli beýik işleri üstünliklere beslensin!