Ykdysady özgertmeler zamany

Ýurdumyzda Arkadagly Serdarymyzyň baştutanlygynda, daşary ýurtlardan getirilýän harytlaryň ornuny tutýan, ýokary hilli milli önümlerimizi öndürmek, olaryň eksportyny artdyrmak babatda ul;y işler durmuşa getirilýär. Şonuň netijesinde, ýurdumyzyň ykdysady kuwwaty has-da artyp, halkymyzyň hal-ýagdaýy yzygiderli ýokarlanýar. Gahryman Arkadagymyzyň başyny başlan milli ykdysadyýeti, gurluşyk we senagat toplumlaryny ösdürmek babatda başlangyçlary bu günki gün ýurdumyzda özüniň ajaýyp miwelerini berýär. Ýurdumyzda öndürilýän çig malyň hasabyna işleýän gaýtadan işleýän senagat toplumlary sazlaşykly işleri bilen ýurdumyzyň ykdysady görkezijilerini barha ýokary derejelere çykarýarlar. Döwletimiz pudaklaryň işine hemmetaraplaýyn goldaw berýär. Şeýle-de, şu günki himiýa senagatynyň ösüşlerine ýurdumyzyň we daşary ýurt maýa goýumlarynyň çekilmegi oňyn netijelerini berýär. Şonuň netijesinde ýurdumyzda nebit we gaz çig malyny gaýtadan işlemegiň hasabyna alynýan önümleriň görnüşi we möçberi yzygiderli artýar. Türkmenbaşynyň nebiti gaýtadan işleýän zawodlar toplumynyň çäginde döredilýän täze önümçilikler munuň aýdyň mysalydyr. Şeýle-de, tebigy gazyň hasabyna işleýän we önüm öndürýän Garabogazkarbamid, Gyýanlydaky Polimer zawody, Ahldaky gazdan benzin öndürýän zawod we beýleki köp sanly önümçilikler ýurdumyzyň häzirki zaman gaýtadan işleýän senagat döwletine öwrülýändigini äşgär görkezýär. Biz ýurdumyzy aýdyň ösüşler ýoly bilen öňe alyp barýan Arkadagly Serdarymyza uzak, ömür, jan saglyk arzuw edýäris.