Watanym, şöhratym, şanym Aşgabat

Berkarar  döwrüniň täze eýýamynyň Galkynyşy  döwründe paýtagtymyzy ösdürmek, binagärlik taýdan gözelleşdirmek boýunça alnyp barylýan  işler aýratyn bellenmäge   mynasypdyr. Şonuň netijesinde Baş şäherimiziň  diňe bir  ilatyň ýaşaýyş-durmuş derejesini üpjün etmekde  däl,  eýsem binagärlik  gözelligi babatdada  nusgalyk derejä eýe bolmagy  üpjün edilýär.
Gahryman Arkadagymyzyň  taýsyz tagallasy bilen  bu gün ak şäherimiz Aşgabat  dünýäniň iň owadan  şäherleriniň birine öwrüldi. Göni we giň şa ýollar, ähli amatlyklary bolan  belent ýaşaýyş jaýlary,  seýilhähler, dürli binalar paýtagtymyza bezeg berýär. Şonuň üçinem ak şäherimiz Aşgabady gije-gündiz synladygyňça synlasyň gelýär. Ol gündizine  Gün nuruna şugla saçsa, gijelerine dürli yşyklary bilen lowurdaýar. Paýtagtymyza dürli binalaryň hem  bezeg berýändigini bellemek gerek.
Şahyr aýtmyşlaýyn :”Aşgabat, Aşgabat, janym Aşgabat, Watanym, şöhratym, şanym Aşgabat!” ýaly şirin owazly halkymyzyň ýürekdäki aýdymyna öwrülen  Ak şäherimiz  bu günki gün tanalmaz derejede özgerdi. Häzirki döwürde  gözel Paýtagtymyzda  dürli maksatly döwletli desgalar toplumlaýyn gurulýar.
Bu günki gün “Halkyň Arkadagly zamanasy” ýylynyň her  güni ýatdan  çykmajak  üstünliklere, wakalara beslenýär.Täze ösüşlere, täze başlangyçlara, döretmek, gurmak hakyndaky  maksatlarymyza täze itergi, kalbymyza ruhy güýç berýär. Bu günki başyny başlap, hem durmuşa geçiýän  maksatnamalarymyz geljekki nesillerimiziň  haýsy ýol bilen gitjekdigini, olaryň ösüş uguny, ýaşaýyş-dumuş medeniýetini, döredijilik kuwwatyny kesgitleýär. Eziz Watanymyzda etirki günleriň bu günkiden  has gowy boljakdygyna  bolan mizemez ynam bizi täze dörediijilige ruhylandyrýar.