Bütindünýä saglyk güni mynasybetli
Bütindünyä saglyk güni mynasybetli giňden yaybaňlandyrylyan dabaralaryň çäklerinde guralyan medeni-köpçülikleyin çärelerde, şol sanda welosipedli ýörişlerde ynsan saglygyny goramak babatda ýurdumyzda amala aşyrylan we dowam etdirilýän depginli işleriň waspy belentden ýetirilyär.
Mälim bolşy ýaly, welosiped sürmek sagaldyjy bedenterbiýäniň bir görnüşi bolup, onuň bilen çagalar özüniň fiziki ösüşini gowulandyrýar, uly adamlar bolsa öz saglyklaryny berkidýärler. Welosiped sürmek adamyň saglygyna oñaýly täsir edýär. Adam Öz bedenini we immunitetini berkidýär, ahli myşsalar herekete gatnaşýar. Lukmanlaryň bellemeklerine görä, bedende madda çalşygy güyçlenýär, dem alyş çuñlaşýar we Öykeniň gaz çalşygy ýokarlanýar. Welosiped sürmegiň nerw dartgynlygyndan saplanmak üçin peýdasy örän uludyr. Welosiped sürlen wagtynda beden dokumalarynda kislorodyň köpelmegi bedendäki ýaglaryň okislenmegine we energiýanyň sarp edilmegine getirýär. Esasan hem, aýak myşsalaryna we oňurganyň bil bölümine agram düşýär. Bu bolsa myşsalaryň berkemegine, adamyň synasynyň owadanlaşmagyna hem-de osteohondroz, radikulit, newralgiya we warikoz keselleriniň öňüni almaga kömek edýär. Aýak myşsalaryna we bil oňurgasyna deňölçegli agram düşmegi diňe bir göwre durşunyň dogrulygyna täsir etmän, eýsem, ýöreýşiň ynamly we ýeňil bolmagyna getirýär. Türkmen sportuny ösdürmek üçin döwlet derejesinde edilýän işler hormatly Prezidentimiziň halkyň saglygy barada edýän aladalarynyň biridir. Bu aladalar diňe bir köpçülikleýin bedenterbiýäni ösdürmek bilen çäklenmän, eýsem, ýokary netijeli sportuň halkara derejesinde ösmegini üpjün etmäge hem gönükdirilendir. Ildeşlerimiziň saglygynyň, bagtyýar ýaşamaklarynyň aladasyny edýän hormatly Prezidentimiziň jany sag, ömri uzak, il-yurt bähbitli işleri rowaç bolsun!
Ýunus MEÝLİSOW
Türkmen döwlet binagärlik gurluşyk institutynyň talyby
