Önümçiligiň, gurluşygyň dürli ugurlarynda biz «kremniý» diýen maddanyň adyna ýygy-ýygydan duş gelýäris. Kremniý silikat önümçiliginde sementi, farfory, aýnany, faýansy, keramikany, kerpiji taýýarlamakda giňden ulanylýar. Bu element poslama durnuklylygy üçin atom energetikasynda hem özüniň mynasyp ornuny tapandyr. Kremnini kagyz ýelmemek üçin silikat ýelimini taýýarlamakda hem peýdalanýarlar. Kremniý tebigatda, esasan, kremnezýoma, ýagny kremniý dioksidi esasynda birleşme görnüşinde duş gelýär. Bu täsin we peýdaly elementi ilkinji bolup 1823-nji ýylda şwed himik alymy Ýens Ýakob Bersekius açypdyr. Alym täze açan elementine «silissiý» diýip at beripdir. Onuň rus dilindäki «kremniý» diýen adyny 1834-nji ýylda rus alymy German Gess ylmy dolanyşyga girizipdir. Dawut NEPESDURDYÝEW Türkmen döwlet binagärlik gurluşyk institutynyñ talyby
