Ynsan we Tebigat
Gersen.
Ynsanyň ukyby çäksizdir, çünki ol tebigatyň güýji bilen utgaşyklydyr. Olaryň ikisiniňem gory bimöçberdir.
Onore de Balzak.
Ynsan gollarynyň yhlasy tebigatda ikinji bir tebigaty döretmäge ukyplydyr.
Siseron.
Tebigata ygrarly bolsaň, başga senetkärlik gerek däl ýaly duýulýar. Tebigat bize özümiz üçin zerur bolan pişe bilen meşgullanmagy öwredýär. Tebigatyň ynsana eçilen peşge şi azdyr öýdýäňizmi?! Ýok, ol adama tutuş özüni bagyş etdi ahyryn. Bagtly ýaşamagyň hemde tebigat bilen ylalaşykda ýaşamagyň ikisi de bir zat.
Seneka.
Sungat tebigat bilendir. Ol edil okuwçy ýaly tebigaty gaýtalaýandyr.
Dante.
Tebigaty gowşak sungat arkaly bimaza etmeseň, ony öz erkine goýsaň, ol has aýdyňlyk bilen açylar, hoş wagtlyk eçiler.
Ynsanyň bilimi we güýji utgaşmalydyr. Ýogsam, küteklik oňyn hereketini
peselder. Tebigata boýun bolsaň, ol seniň ygtyýaryňda bolar. Oňa syn etmek häki bir bahana, onuň ygtyýary boýunça hereket etmek bolsa, pugta kada.
Adam özüniň hereketi bilen diňe tebigatyň durkunyň parçalaryny birikdirip ýada böleklere bölüp biler. Galan işi tebigat öz içinde özi bitirýär. Hakykaty haýsydyr bir pursadyň wagtlaýyn rowaçlyklaryndan dälde, tebigatyň baky ýörelgeleriniň giňişliginden gözleseň dogry bolar.
Tebigatdan üstün çykdyk diýip, ony täsinlik saýýanlar öz ýeserligini dälde, betbagtlygyny aýan edýärler.
Bekon.
Tebigat hemişe haýal hereket edýär, has takygy, onuň hereketi örän rejeli. Topragam şeýle, ol zor salmalara tap gelip bilmän, önümliligini peseldýär we soňlugy bilen bar güýjüni özüni saklamaga sarp edýär. Şeýlelikde, ol özüniň döredijilik ukybyny ýitirýär.
Monteskýe.
Kimiň ruhy tebigat bilen ylalaşykda bolsa, ol hiç wagt ýalňyz däldir.
Ägirtleriňem ahyry gelýär, erkler synýar, tebigat welin baky.
Baýron.
Adamlar hemişe tebigata öýkünýärler, emma ähli wagtda ondan pesde bolýarlar. Ynsan özüniň içki güýjüni tebigatyň amatly usullaryny peýdalanmak arkaly zerurlyk üçin ulansa, ol hemme zatdan belentde bolar.
Odoýewskiý.
