Dünýäniň meşhur zenan Pishologlary
Ol amerikan Psihologlar birleşiginiň 14nji baştutany bolup, bu guramada işlän ilkinji zenan psihologdyr. Amerikanyň Wellisleý kollejinde Mari Kalkins ilkinji psihologik laboratoriýasyny guraýar. Ol 1950nji ýylda iň meşhur 50 psihologyň arasynda öz ornuny tapýar.
Margeret Floý Waşburn (1871 — 1939). Amerikanyň Birleşen Ştatlarynda doktaranturada okap, şol derejäni alan ilkinji zenan psihologdyr. Ol Kalkinsden soň, amerikan Psihologlar birleşiginiň ikinji zenan baş tutanydyr. Ol, esasan, haýwanlaryň özlerini alyp baryşlary,
duýuşlary we kabul edişleri ýaly umumy psihologiýanyň gozgaýan meseleleri boýunça iş alyp barypdyr.
Mari Eýnwors (1913 — 1999).
Ol baglylyk hadysasyny öwrenen Jon Bolby bilen uzak wagtlap bilelikde işläpdir. Soňra onuň işlerini dowam etdirip, enäniň we çaganyň arasyndaky baglanyşyk hadysasyny içgin öwrenipdir.
Keren Horniý (1885 — 1952).
Berlinde lukmançylyk ugrundan okandan soňra, lukman bolup biraz wagt işleýär. Soňra psihoanaliz bilen gyzyklanyp başlaýar. Ol şahsyýet baradaky esasy taglymatlary düzüjileriň hem biridir. Şeýlede newrotiki bozulmalar barada köp gymmatly işleri ýazypdyr.
Melani Kleýn (1882 — 1960).
Ol çaga psihoanalizini öwrenen ilkinji psihologlaryň biridir. Psiholog, esasan, çagalaryň aňlaýyş hadysasynyň ösüşi barada köp sanly makalalary ýazypdyr. Kleýniň esaslandyran çaga lardaky oýun terapiýasy häzirki döwürde hem psihologiýada köp ulanylýan bejergi usullarynyň biridir.
Anna Freýd (1895 — 1982).
Ol meşhur psiholog Zigmund Freýdiň gyzydyr. Anna Zigmund Freýdiň 6 çagasyndan onuň kärini dowam etdiren ýeketäk perzendidir. Bu alym hem, esasan, çaga psihoanaliziniň üstünde işläpdir. Ol çagalarda ýüze çykýan goranyş mehanizmleri barada «Men we goranyş mehanizmleri» atly kitabyny ýazýar. Anna Freýd 1945nji ýylda öý süz çagalar üçin ýörite Çagalar öýüni we Psihoanaliz merkezini gurdurýar.
Mariýa Montessori (1870 — 1952).
Italiýanyň ilkinji zenan lukmany we pedagogydyr. Antropologiýa ugry boýunça professor Mariýa Montessori her bir çaganyň şahsy aýratynlygyna gabat gelýän pedagogiki usuly işläp düzýär. Häzirki wagtda Montessori usuly dünýäniň köp ýerle rindäki mekdeplerde ulanylýan iň tanymal pedagogiki usuldyr. Şeýle hem onuň dünýäniň köp künjünde açan mekdepleri Montessori usuly boýunça çagalara bilim berýär.
