Ösüşiň täze belentliklerini nazarlap
Häzirki wagtda Diýarymyzyň ylym, bilim, sport ulgamlarynda ýetilýän belent sepgitleriň aýdyň netijeleri sebitde we ýurdumyzyň çäklerinden daşarda — halkara jemgyýetçiliginde belent ykrarnama eýe bolýar. Munuň şeýledigini mekdep okuwçylarymyzyň we talyp ýaşlarymyzyň halkara olimpiadalarda we bilim bäsleşiklerinde gazanýan altyndyr kümüş medallarynyň mysalynda görmek bolýar. Ýokary hilli bilim almak, hünär öwrenmek, jemgyýetde mynasyp ornuňy tapmak her bir adam üçin bagtdyr. Bilim halkymyzyň asyrlarboýy toplan we nesilden-nesle geçip gelýän gymmatly baýlygy bolmak bilen, durmuş kadalarynyň, medeniýetiň, watansöýüjiligiň, ynsanperwerligiň çeşmesi hasaplanýar. Ata-babalarymyz kitap okamagy, sowat öwrenmegi, geçmiş taryhyny gowy özleşdirmegi ýaşlara hemişe wesýet edipdirler. Arkadagly Serdarymyz: «Ylym we bilim biziň üstünliklerimiziň hem-de öňe gitmegimiziň binýatlyk esasy bolup durýar» diýip bellemek bilen, güneşli Diýarymyzyň ylym-bilim edaralarynyň işiniň düypli kämilleşdirilmegine, ýaşlaryň döwrebap bilim almaklaryna aýratyn üns berýär. Şoňa görä-de, mugallymlaryň işiniň döwrebap guralmagyna we olaryň hünär kämilligine bolan talaplar barha artýar. Bedew bady bilen ösüşiň täze belentliklerini nazarlap ösyän ýurdumyzda biz — mugallymlardan edilýän döwrebap talaplara mynasyp jogap bermek biziň mukaddes borjumyzdyr.
Ýurduň geljegi bolan ýaş nesillerimiz we olaryň kämil şahsyýetler hökmünde kemala getirilmeginde esasy hyzmaty ýerine ýetirýän bilim işgärleri, galybersede, bilimterbiýeçilik işlerine gatnaşýanlar we olaryň her bir maşgala agzasy barada alada edýän Arkadagly Serdarymyzyň jany sag, belent başy aman bolsun, alyp barýan halk bähbitli beýik işleri elmydama rowaçlyklara beslensin!
Täzegül SAPAROWA
Türkmen döwlet binagärlik gurluşyk institutynyň uly mugallymy
