Beýik akyldaryň sarpasy

25.10.2024

Berkarar döwletiň täze eýýamynyň Galkynyşy döwründe Magtymguly Pyragynyň ömri we döredijiligi has düýpli öwrenilip, bu babatda köp işler durmuşa geçirilýär.Türkmen halkynyň Milli Lideri Gahryman Arkadagymyzyň, Arkadagly Gahryman prezidentimiziň alyp barýan döwletli işlerinde akyldar şahyryň pähim-parasaty möhüm orny eýeleýär. Bu bolsa talyp ýaşlaryň edebi hem ruhy gymmatlyklarymyzy öwrenmekleri watançylyk duýgularynyň ösmegine-de esas bolýar.
Dünýä edebiýatynda mynasyp orny eýelän Magtymgulynyň döredijiligini öwrenmekde Baýmuhammet Garryýewiň, Mäti Kösäýewiň, Muhammetnazar Annamuhammedowyň, Ahmet Bekmyradowyň önjeýli işleri eden beýleki alymlaryň ylmy gözlegleri örän ähmiýetlidir. Şu günki ýaş alymlaryň halypalardan nusga alyp, öz ylmy garaýyşlary bilen edebiýat ylmynyň ösmegine goşant goşýarlar.
Magtymguly Pyragynyň ady bilen baglanyşykly Pähim-paýhas ummany Magtymguly Pyragy ýylyna uly ynam bilen gadam basdyk. Türkmen halkynyň Milli Lideri Gahryman Arkadagymyzyň ajaýyp goşgusyndan ylham alan ýylymyz köňüllere büýsanç berýär, joşgünly ýüreklerimizi galkyndyrýar. Magtymguly Pyragynyň ady, nakyla öwürlen şygyr setirleri üç asyryň dowamynda türkmeniň gündelik durmuşynda adamlaryň ruhy söýegi, akyl hazynasy bolup ýaşaýar. Bu ýyl türkmen halkynyň ruhy taýdan has-da gakynýan we öz beýik başlangyçlary bilen dünýä medeniýetinde, ylymynda uly wakalara beslenjek ýyllarynyň biri bolar.
Dünýä medeniýetiniň ösüşine önjeýli goşant goşan beýik şahsyýetlere, alymlara, akyldarlara uly hormat goýýan Türkmen halkynyň Milli Lideri Gahryman Arkadagymyzyň, Arkadagly Gahryman prezidentimiziň janlary sag, ömürleri uzak bolsun. Başlan döwletli işleri dowamat dowam bolsun!
Ahmetgeldi DURDYÝEW
S.A.Nyýazow adyndaky Türkmen oba hojalyk uniwersitetiniň talyby