Sanly ulgam ösüş ýolunda
Ilatyň kompýuter sowatlylygynyň artmagy netijesinde soňra hökümet elektron aragatnaşyk ulgamy döredildi. Ol edara-kärhanalaryň özara elektron resminama dolanyşygyny ýola goýmaga we uzak aralykdan göni wideoaragatnaşyk arkaly maslahatlary, konferensiýalary guramaga mümkinçilik berdi. Häzirki döwürde ýurdumyzyň ähli edara-kärhanalrynda sanly ulgamy ornaşdyrmak işleri ýokary depginlerde alnyp barylýar. Bu ulgam pandemiýa döwründe uzak aralykdan habarlary, maglumatlary alyşmakda, wideokonferensiýalary guramakda neneňsi peýdaly netijesiniň bardygyny aýdyň görkezdi.
Häzirki döwürde ýurdumyzyň ýokary okuw mekdeplerinde sanly bilimi ornaşdyrmak ýokary depginlere eýe bolýar. Onuň kömegi bilen talyp ýaşlara beýleki ýokary okuw mekdepleri bilen özara sapaklara, teleköprülere, internet olimpiadalaryna gatnaşmaga giň mümkinçilikler döreýär. Ýokary okuw mekdeplerimizde sanly ulgamdan peýdalanyp, talyplaryň halkara internet olimpiadalaryny guramak boýunça hem ajaýyp tejribe toplanylýar. Bu olimpidalarda türkmen talyp ýaşlarymyz hem öňdäki baýrakly orunlara mynasyp bolup, ýurdumyzyň abraý-şöhratyna mynasyp goşant goşýarlar.
Biz talyp ýaşlaryň talabalaýyk okamagy, bilimleri ele almaklary üçin taýsyz tagallalary durmuşa geçirýän Arkadagly Serdarymyza uzak ömür, jan saglyk, döwletli başlangyçlarynda hemişe üstünlik arzuw edýäris.
Ogulsapar HANOWA
Türkmen döwlet binagärlik gurluşyk institutynyñ talyby
